Timoteu

Notas do episódio

Ma'e re ã karavasãu: Pauru okusiwa imono Timoteu tomokasi Jesu re jirovijaa re. Pauru te omojenu ayvukatu Jesu rewarà Timoteu pe ikotyrewarà romõ toiko. Ajawyi ajaire oja'ajē ee. Nopotari Timoteu opoi Jesu ayvukwerà wyi, ajawyi "ejimokasi jē eiko" e'i imono ijupe. Awīto sota ojimokasi wanīnīa renone a'evo eiko, ejimokasi jē eiko Jesu sota romõ, ijayvukwera mojenuarà romõ. Waypeay ipe remē ejimokasi jē eiko e'i imono ijupe. Ejarãtã jē Jesu re eiko. Nemomorijauoka ipe kupa reme a'evo jē eiko e'i. Nepoi iwyi ipi ne, e'i imono. 1Timoteu 1:18-20 18Ejapyaka rã'ĩ ikõ eayvu rè nẽ, tuku. Jypy remẽ itõkõ Janejare'e ayvu mojenuarà mõ omojenu amãtejẽ nerewarà, Janejare'e 'Ãg kasia rupi. Kee e'i neupewarà mõ: “Janejare'e ayvu omojenu jenutà jane kõ pè erokwa”, e'i. Aekwerà rupi katu tè nemome'u age'e ereko. Ajawyi e'i maekwerà wyi tanerearai e'ã. Terejimokasi jẽ ikõ Janejare'e ayvu e'e mojenua rè nẽ. Terepi e'ã iwyi neiko, a'e ene. 19Jõvijã Jesu rè terejirovija jẽ neiko. Terepoi e'ã iwyi. Ãmõ, tereja'a katu nepy'a tekokuwaa rè ipi. Oiko opy'a tekokuwaa rè noja'ai ywe'e tite mãe kõ. A'e kõ opoi ywe'e tite Jesu rekoa wyi, noja'a katui opy'a tekokuwaa rè kupa rewarà mõ. Ajawyi nivoi tekoua rupi ekoi ywe'e tite kupa ky'y. 20A'e kõ vo tereiko e'ã ikenẽ. Imeneu vo tereiko e'ã. Ãmõ, Aresãtiri vo tereiko e'ã. A'e kõ opoi ywe'e tite Jesu rekoa wyi. Noja'a ywe'ei tite ojipy'amotekokuwaa rè kupa rewarà mõ a'evo ekoi kupa. Ajawyi ame'ẽ kõ rã'ĩ ãjãgai rõvijã Satanasi po pè, ãwisõ tomomorijau kõ rã'ĩ. A'evo remẽ tè maevo ojivyrĩ tarà mijẽ Janerõvijã rè ojirovija rõmõ kupa. Noporegeta teitete'ãi Janejare'e rè ãmẽ kupa ky'y.