Conversas na Ferrería #156: Festival Ameixa Rock

Notas do episódio

O Festival Ameixa Rock de Carril, en Vilagarcía, pode presumir de ser o único festival onde os artistas interviñentes dispoñen de ameixa carrilexa - sabrosamente preparada ademais - no seu cáterin. Dous dos seus organizadores, Adrián Berride e Elpidio Costa nos detallan o programa previsto desde este mesmo venres 6 de setembro ata a xornada do domingo. Varios emprazamentos de Carril, a Illa de Cortegada ou o monte de San Roque irán albergando vermús musicais, concertos, actuacións infantís, saídas diúrnas e nocturnas a Cortegada, exhibición de canicross, unha olimpíada mariñeira, unha feira solidaria e o entroido rock para esta próxima velada.