Conversas na Ferrería #203: Día da Muller e a Nena na Ciencia

Notas do episódio

Carmela Cela Rodríguez é unha nova bioquímica galega. Traballa como investigadora predoctoral no Centro de Bioloxía Molecular Severo Ochoa de Madrid, pertencente ao CSIC. Ademais desenvolve unha faceta divulgadora a través da canle de Youtube 'Ciencia con Carmen' xunto a outras dúas mulleres científicas e en Twitch con 'Ecos de xigantes' onde divulgan en lingua galega. Falamos con ela con motivo da celebración este venres 11 de febreiro do Día da Muller e a Nena na Ciencia e da súa participación nas actividades que o Concello de Pontevedra en colaboración con GCiencia organizaron con tal motivo. Ademais contamos con outras dúas invitadas, Claudia Veiras Trotiño e Julia Martínez Losada, que traen o seus respectivos micro relatos premiados no concurso 'A muller e a nena na Ciencia'.